LEVAD-360 é unha solución interna baseada en intelixencia artificial que permite ás persoas da organización, de xeito áxil e seguro:

• Consultar información en linguaxe natural, sen necesidade de coñecer os repositorios nin as estruturas de almacenamento.
• Analizar documentos e obter respostas enriquecidas con contexto.
• Validar a información grazas a citas e fontes asociadas a cada resposta.
• Extraer en segundos requisitos, prazos e puntos críticos a partir de documentación extensa.
• Xerar resumos accionables que aceleran a toma de decisións.

O noso compañeiro Daniel Zas presentou a ferramenta na Cidade das TIC, dentro do evento “Proxectos IA360 – Desenvolvemento Tecnolóxico e Innovación con IA”, organizado polo Clúster TIC Galicia.

Durante a sesión mostrouse como LEVAD-360 permite poñer en valor o coñecemento xa existente na organización e reducir o tempo dedicado a buscar, contrastar e resumir información dispersa en distintos repositorios.

Tecnoloxía ao servizo do coñecemento interno

A ferramenta baséase nunha arquitectura avanzada (RAG - Retrieval-Augmented Generation) que integra os datos internos da empresa cun sistema de busca intelixente para ofrecer respostas precisas e trazables. Todo isto xestiónase a través dunha interface sinxela deseñada para que calquera perfil da organización poida traballar coa información de forma áxil.  

Deste xeito, LEVAD-360 axuda a que o coñecemento corporativo sexa máis accesible e confiable, resolvendo un problema moi común en moitas organizacións: a dificultade para localizar e aproveitar a información xa dispoñible.

O proxecto LEVAD-360 desenvolveuse co apoio do Igape – Instituto Galego de Promoción Económica, a través do programa IA360, no marco dos fondos europeos NextGenerationEU.

Con iniciativas coma esta, en Sixtema seguimos apostando pola innovación, achegando as capacidades da intelixencia artificial ao día a día das organizacións. 

O obxectivo do proxecto foi crear unha ferramenta capaz de detectar e corrixir automaticamente configuracións erróneas en servidores, unha das causas máis frecuentes de vulnerabilidades explotables por ciberataques. A solución desenvolvida combina técnicas avanzadas de IA con contornas de simulación tipo CTF (Capture the Flag), recreando escenarios reais de ataque para adestrar os algoritmos con datos prácticos e realistas.

Intelixencia artificial aplicada á ciberseguridade

Ao longo do proxecto, abordáronse cinco grandes liñas de traballo:

1. Adestramento de modelos de IA con datos sintéticos e reais, baseados en erros comúns de configuración e patróns de ataque utilizados por ciberdelincuentes.
2. Deseño de servidores CTF, contornas controladas que reproducen vulnerabilidades reais e permiten observar ataques en tempo real.
3. Captura e análise de datos sobre técnicas de hacking, utilizando estes datos para alimentar modelos de detección automatizada.
4. Desenvolvemento dunha plataforma escalable e integrable, que facilita a incorporación desta ferramenta en contornas empresariais con infraestruturas de TI complexas.
5. Xeración asistida de contramedidas, proporcionando recomendacións automáticas para corrixir vulnerabilidades detectadas e reforzar a seguridade do sistema.

Resultados e proxección futura

Entre os fitos acadados destaca a creación dun sistema capaz de detectar configuracións inseguras sen intervención humana, reducindo o tempo de exposición dos servidores a potenciais ameazas. O uso de contornas CTF permitiu adestrar a IA con datos moi próximos a situacións reais, mellorando a súa precisión fronte a técnicas de ataque emerxentes.

A medio prazo, a solución poderá evolucionar cara a novos escenarios máis complexos, ampliando o seu alcance desde as contornas IT tradicionais cara a infraestruturas OT, onde a xestión de configuracións seguras e a resiliencia fronte a ciberataques cobran aínda maior relevancia.

Ademais, proxéctase incorporar análise preditiva de vulnerabilidades e capacidades de parcheo automático, anticipando incidentes e reducindo aínda máis a marxe de erro humano.

Con TESTING BAD, continuamos esforzándonos por trasladar a innovación tecnolóxica a solucións prácticas que axuden aos nosos clientes a protexer as súas infraestruturas dixitais de forma segura e efectiva.

MeteoGalicia é líder indiscutible en predición meteorolóxica para a comunidade galega. Ao longo da nosa colaboración neste proxecto, vimos como se converteu na web máis visitada da Xunta de Galicia, revolucionando a forma na que os galegos consultamos a predición meteorolóxica.

Máis de 2 millóns de visitas desde o seu lanzamento

O portal de MeteoGalicia non só destaca polo seu gran número de visitantes, máis de 2 millóns dende a súa posta en marcha!, senón que tamén integra funcionalidades avanzadas que melloran notablemente a experiencia do usuario. Cunha estrutura optimizada, usabilidade mellorada e organización eficiente, o sitio web ofrece un acceso sinxelo e rápido a:
Predicións do tempo: Consultas detalladas sobre o tempo en calquera recuncho de Galicia.
Estado das praias, do mar e das mareas: información vital para quen desfrute da costa galega.
Visualización de mapas por satélite e radar: monitoriza os fenómenos meteorolóxicos en tempo real.
Datos da estación meteorolóxica: datos precisos e actualizados directamente das nosas estacións repartidas por toda a rexión.

• Predicións do tempo: Consultas detalladas sobre o tempo en calquera recuncho de Galicia.
• Estado das praias, do mar e das mareas: información vital para quen desfrute da costa galega.
• Visualización de mapas por satélite e radar: monitoriza os fenómenos meteorolóxicos en tempo real.
• Datos da estación meteorolóxica: datos precisos e actualizados directamente das nosas estacións repartidas por toda a rexión.

Pero iso non é todo. A aplicación móbil MeteoGalicia, dispoñible en iOS e Android, rexistrou máis de 65 mil descargas en 2023, o que reflicte a súa popularidade e utilidade. Esta aplicación é o teu mellor aliado para planificar todo, desde un día de praia ata unha excursión á montaña, ou incluso para decidir se necesitas levar un paraugas. Grazas á información precisa e en tempo real que ofrece, podes axustar os teus plans con total confianza e despedirte das sorpresas meteorolóxicas. 
E ti? Xa o usaches? Descarga a aplicación no teu móbil e mantéñase sempre ao día do tempo. Con MeteoGalicia, cada día é unha oportunidade para planificar con seguridade e gozar do mellor tempo posible.

En Sixtema buscamos formas de seguir innovando e ofrecer solucións tecnolóxicas de alta calidade que faciliten a vida dos usuarios.

En Sixtema, encántannos os desafíos, especialmente aqueles que nos impulsan a construír o futuro. Unha das viaxes máis apaixonantes que emprendemos foi o proxecto CUI-LUCUS, unha aventura tecnolóxica que iniciamos en 2024 e que seguimos percorrendo con orgullo xunto a Airbus.

Este proxecto enmárcase na Civil UAVs Initiative (CUI), a aposta estratéxica da Xunta de Galicia para posicionar a Galicia como polo de referencia no desenvolvemento de solucións con vehículos aéreos non tripulados. Tras a nosa participación nas fases A e B, avanzamos agora con CUI-LUCUS na fase C, sumando experiencia e capacidades no ámbito da xestión intelixente de misións UAV.

O obxectivo desta nova etapa é claro: desenvolver unha plataforma U-Cloud de uso civil para a xestión, operación e administración de misións comerciais con drons. Unha solución pensada para facilitar a supervisión remota de frotas UAV de forma segura, escalable e en tempo real.

Tecnoloxía cloud para supervisión global

Desde o principio, a meta foi ambiciosa: como poderiamos supervisar o que ven e rexistran varios drons ao mesmo tempo, en tempo real e desde calquera lugar do mundo, de forma sinxela e segura?

A nosa solución inclúe un sistema avanzado que permite recibir vídeo en alta definición e datos de telemetría (como posición, velocidade ou altitude) de múltiples misións simultaneamente. Calquera operador autorizado pode acceder a toda a información en tempo real desde o seu ordenador, estea onde estea.

Para facelo posible, desenvolvemos unha arquitectura cloud baseada na infraestrutura de Amazon Web Services (AWS), que garante robustez, escalabilidade e seguridade incluso en escenarios con alto volume de transmisión. Así, os datos están sempre dispoñibles e protexidos, independentemente do número de drons conectados.

Unha colaboración de altura con Airbus

Percorrer este camiño xunto a Airbus é todo un privilexio e un selo de calidade. Que un referente global no sector aeronáutico confíe no noso talento e na nosa visión para un proxecto tan estratéxico é o mellor recoñecemento ao noso traballo, e posiciónanos á vangarda do sector.

Ademais, contamos coa colaboración do Centro Avanzado de Tecnoloxías Aeroespaciais (CATEC), un centro tecnolóxico de referencia que achega coñecemento clave para establecer a comunicación cos UAVs. A súa experiencia complementa e reforza o desenvolvemento da nosa solución, altamente innovadora e aliñada cos estándares máis esixentes do sector.

O proxecto CUI-LUCUS é un reflexo do que somos capaces de facer: transformar ideas complexas en solucións potentes e fiables.

Aprende máis sobre o proxecto, o noso papel e o dos nosos socios no seguinte vídeo.